Gimandoan sa Commission on Audit (COA) nga magpahigayon og fraud audit sa mga control projects sa Bulacan sa Department of Public Works and Highways (DPWH) nga nagkantidad og P44 bilyones, nunot sa mga isyu nga gibutyag ni Presidente Ferdinand Marcos Jr.
Nasayran nga sa kinatibuk-ang P548 bilyones nga flood control funds sa tibuok nasod, ang labing dako nga kantidad nabutang sa Central Luzon (P98-B), diin ang Bulacan maoy pinakadako sa rehiyon.
Sa memo sa COA niadtong Agosto 12, gimando dayon ang audit investigation tungod sa mga isyu nga gihisgutan ni Presidente Marcos. Ang mga distrito sa DPWH sa rehiyon gimanduan usab sa pagsumite rdayon og mga dokumento alang sa pag-audit.
Sa sayo pa, ang Presidente mipahayag niadtong Agosto 11 nga ang Bulacan adunay pinakadaghang flood control projects nga adunay 668 ka mga proyekto, apan nagpabilin gihapon kini sa pinakadaghang baha nga probinsya base sa National Adaptation Plan sa 2023–2025.
Ingon man nga una ng gihangyo ni PBBM ang Timothy Construction Corporation nga mopasabot human kini personal nga nag-inspeksyon niadtong Agosto 15, sa proyekto sa Calumpit, Bulacan, diin nadiskubrehan nga wala pa mahuman ang river protection structure bisan pa sa report nga nag-ingon nga kini nahumana niadtong Pebrero 2023.
