Gisuspenso sa nasud nga Colombia ang pagbaligya niini og kuryente ngadto sa Ecuador ug pagpatuman sa 30% nga taripa sa 20 ka mga produkto atol sa nagkataas nga panagsungi sa pamatigayon og polisiya batok sa drug trafficking.
Ang maong mosyon kay nahitabo human nipahayag si Ecuadorian President Daniel Noboa sa pagpahamtang og 30% “security charge” sa mga produktong gikan sa Colombia sugod sa Pebrero 1 sa gitumbok nga trade deficit ug kakuwang sa kooperasyon niini sa pakigbatok sa ginadiling droga.
Apan gihimakak sa Colombia ang maong akusasyon sa kakuwang og aksyon niini sa drug smuggling. Ang administrasyon ni Noboa kay mitaho nga ang ilang mosyon naglakip sa pagbaligya sa suplay sa kuryente ug oil logistics services.
Agig tubag sa anunsyo sa taripa sa Colombia, ang ministro sa enerhiya sa Ecuador miingon nga ang krudo sa Colombia nga gidala sa pipeline sa OCP – ang ikaduha nga pinakadako sa Ecuador – adunay”the reciprocity given in the case of electricity” Ingon man nga walay dugang detalye nga gikabutyag niini.
Ang trade deficit sa Ecuador sa Colombia mikabat sa $838-milyones sa unang 10 ka bulan sa miaging tuig, sumala sa central bank sa Ecuador.
Ang Colombia nagpadala og $1.67 bilyon nga kantidad sa mga produkto ngadto sa Ecuador sa unang 11 ka bulan sa miaging tuig, sumala sa statistics agency nga DANE, nga nagrepresentar sa 3.6% sa kinatibuk-ang export.
