Nakatala na ang Commission on Elections(COMELEC) og anaa sa 2000 ka mga aplekante sa bag-o lang gisugdan nga rehistrasyon karong semanaha.
Mao kini ang gikabutyag ni Omar Sharif Mamalinta ang COMELEC Officer sa Cebu diin iyaha usab nga naasoy nga kadaghanan sa mga magparehistro nagagikan sa mga highly-urbanized City sama sa Cebu ug Mandaue City apan, sa mga munisipyo matod pa, kasagaragan ginagmay ra ang datos sa mga nagparehistro.
Busa, atol sa pakig hinabi sa Bombo Radyo team kaniya, siya nihangyo ug nag-awhag nga magparehistro na sa sayong panahon aron dali ra nga ma-accomodate ang gidaghanon sa mga magparehistro.
Giklaro usab ni Mamalinta nga sugod Oktobre 20 hangtud na sa Mayo 18, 2026 mag abli ang ilahang reghistrasyon matag Lunes hangtud Biyernes, abli usab sila sa mga holiday, ug sugdan ang rehistarsyon alas 8:00 sa buntag 5:00 sa hapon.
Gitataw niini nga ang maong rehistrasyon alang sa umaabot nga Barangay and SK elections sa Nobyembre 2, 2026.
Dugang pa nga lakip sa ilahang dawaton dili lamang ang buot magparehistro apan lakip na ang verification, transfer, reactivation, change og name ug uban pa.
Subay niini, nang-agni si Mamalinta nga bisitahon ang official transaction pages sa nagkalain-laing COMELEC Offices, aron masuta kung asa ug diin ipahigayon ang susamang kalihokan.
