Cebu City– Giangkon ni Atty Lionel Marco Castillano, ang COMELEC Provincial Election Supervisor sa Sugbo nga nakalitan sila sa resignation ni COMELEC Chairman Andress Bautista.
Matud ni Atty Castillano nga kalit kaayo ang desisyon sa ilahang chairman apan ila man kining nasabtan gumikan sa gikinahanglan man si Bautista sa iyahang mga anak. Matud pa ni Castillano nga dili man gihapon maapektuhan ang ilahang trabaho sa pag resign ni Baustista sanglit ang ang COMELEC usa man ka collegial body.
Matud pa nga nasibog man ang bargy election ngadto na sa buwan sa Mayo maong dili ra maapektuhan ang ilang operasyon. Dugang pa niini nga sa buwan sa Disyembre pa man ang effectivity sa resignation ni Bautista ug igo lang kana nga panahon nga makakita si Presidente Duterte sa e appoint niya puli niini.
Panghinaot na lamang ni Castillano nga magmalampuson si Chairman Bautista sa iyahang pag-atubang sa problema sa ilang pamilya nga maoy rason niini sa paghawa sa iyahang katungdanan.
