Nipahibalo si COMELEC Chairman George Erwin Garcia nga abli siya sa hisgutanang pag-automate sa Barangay ug Sangguniang Kabataan Elections (BSKE) nga ipahigayon sa Nobiyembre 2026 tungod sa kaayohan niini sa piniliay.
Matud pa ni Garcia nga kun automated na ang eleksyon, mas paspas nga mahibaw-an ang resulta sa boto.
Dugang pa niya nga mahimo usab nga malikayan ang kakulian kon automated na tungod kay ang mga mapilde modawat dayon sa resulta dili sama sa manual nga pag-ihap nga nakapasamot usab sa kainit sa away sa matag kandidato.
Bisan pa, ang mga bag-ong pagpangandam sa poll body sa higayon nga ang BSKE automated, ang mga benepisyo niini alang sa pagpahigayon sa mas hapsay ug malinawon nga eleksyon sama sa nakita usab sa mga botante ug poll body sa bag-ohay nga Midterm Elections niadtong Mayo.
Sa laing bahin, gipaambit usab ni Garcia nga padayon nga gipadaghan sa komisyon ang voter registration sa tibuok nasod diin matod niya nga dul-an sa 65% sa mga nagparehistro mga first-time nga nagparehistro.
Kini usa ka maayong timailhan nga nagpakita sa tinguha sa mga Pilipino nga mobotar sa sunod nga eleksyon.
Ang rehistrasyon sa mga botante molungtad hangtod sa Agosto 10 ug gikatakdang magpadayon human sa Bangsamoro Parliamentary Elections sa Oktubre ning tuiga.
