CEBU CITY-Gipahamtangan og permanent banned from seeking public officer sa Commission on Elections (Comelec) ang Sugbuanong kanhi Senador Sergio “Serge” Osmeña human kini mapakyas musumiter sa iyang Statement of Contributions and Expenditures (SOCE).
Kini ang nahukman sa Comelec human ang 80-anyos nga kanhi Senador kay napakyas sa pagsumiter sa iyang SOCE niadtong piniliay tuig 2010 ug 2016 diin milansar kini pagka-senador.
Subay kini sa Republic Act No. 7166 nga nagmando sa mga kandidato sa piniliay nga musumiter sa ilang SOCE sulod sa 30 ka adlaw human sa adlaw sa eleksyon.
Ang makalapas niini nga lagda sulod sa 2 ka sunod-sunod nga piniliay kay pahamtangan og disqualification from seeking public office ug adunay multa nga pagabayran.
Sumbay sa Comelec nga tanag official candidate, partidong politika, ug mga partylist kay gikinahanglan musumiter sa ilang SOCE bisan paman midaog o napildi kini.
Ang SOCE kay dokumentong naglatid sa tanang nagasto ug mga kontribusyon niini sa kampanya sulod sa panahon sa campaign period.
Ang Comelec En Banc mismo ang nipahamtang sa maong desisyon niadtong buwan sa Enero aron i-perpetually disqualify si Osmeña ug gipahamtangang sa multang P60,000.
Ang kanhi Senador Serge kay usa sa mga anak ni kanhi sab Senador Sergio “Serging” Osmeña ug igsuon ni kanhi Cebu City Mayor Tomas “Tommy” Osmeña.
