CENTRAL VISAYAS-Makadawat na sa ilahang allowances ang di mominus sa 46,000 ka mga magtutudlo sa Central Visayas gikan sa Commission on Elections (COMELEC) 7 nga misilbi sa Barangay ug Sangguniang Kabataan Elections (BSKE) 2023.
Kini gisubay ni Atty. Lionel Marco Castillano, Regional Director sa Comelec Region 7 nga makadawat na ang mga magtutudlo sa ilahang cash nga allowances.
Base sa datos nga naggikan sa Comelec 7, anaa sa 46,821 ang gidaghanon sa mga magtutudlo, 28,329 ang gikan sa Cebu, gisundan sa Bohol nga anaa sa 9,207, sa Negross Oriental naa sa 8,490, ug sa Siquijor naa sa 795.
Ang allowance nga madawat sa Chairperson sa Electoral Board(EB) anaa sa P10,000, samtang ang miyembro sa EB ug sa DESO anaa sa P9,000, ug sa support staff anaa sa P5,500.
Apan ang maong amount kuhaan pa og tax, gani sugdan ang distribusyon human makuha na ang pondo sa bangko.
Samtang sa dakbayan sa Carcar, naghulat ang Comelec sa abiso sa Landbank aron nga ilahang sugdan ang distribusyon.
Gihatagan ang Comelec og 15 ka adlaw alang sa pagrelease sa mga allowance.
