Mipadayag sa ilang pagsupak ang mga representante gikan sa Commission on Laity – Archdiocese of Cebu, Commission on Family and Life, ug Human Life International sa pagpasar sa Divorce Bill.
Matud ni Sis. Fe Barino, kinsang pangu sa Commision on the Laity nga ang balaod sa diborsiyo nagsalikway sa balaang sugo nga wala’y tawo nga magbuwag nga gihi-usa sa Diyos.
Dugang pa nga ang Konstitusyon sa Pilipinas nagpanalipod sa kaminyoon isip usa ka ‘building blocks’ sa social institution nga dili magkatugma.
Giila sa mga Laity nga ang mga magtiayon makasugat gayud og mga hagit sa ilang kaminyoon busa, gikinahanglan ang suporta ug pag-giya pinaagi sa pagtambag ug pag-atiman alang kanila.
Si Barino niingon nga imbes modangop sa diborsyo, ang mga magtiayon mahimong mangita og laing “legal remedies” sama sa legal separation, annulment, ug declaration of nullity of marriage.
