Gikonsiderar sa Commission on Filipinos Overseas (CFO) ang pagpalapad sa presensya sa mga eskwelahan sa Pilipinas sa mga nasud nga adunay dagkong komunidad sa Filipino.
Matud ni CFO Secretary Dante Ang II nga ang inisyatiba nagtumong sa pagsiguro nga ang mga kabataang Pilipino nga nagtungha sa gawas sa nasud makapadayon sa usa ka hapsay nga transisyon sa pagbalik sa Pilipinas, uban sa ilang edukasyon nga nahiuyon sa kurikulum sa nasud.
Diin sa pagkakaron, adunay 35 ka tunghaan sa Pilipinas nga naglihok sa mga nasod sama sa Bahrain, East Timor, Greece, Italy, Kuwait, Libya, Oman, Qatar, Saudi Arabia, ug UAE.
Sumala sa datos sa CFO, adunay gibana-bana nga 25,000 ka mga estudyante nga na-enrol sa kini nga mga eskwelahan kaniadtong Disyembre 31, 2022, gikan sa pre-elementary hangtod sa level sa high school.
Giklaro ni Ang nga ang mga eskwelahan sa Pilipinas sa gawas sa nasud kay kinahanglang motuman sa mga rekisitos sa host country ug sa gobyerno sa Pilipinas, lakip na ang pagkuha og permit to operate gikan sa host country sa dili pa mangayo og accreditation gikan sa Department of Education (DepEd).
