CENTRAL VISAYAS- Gipanglantawan sa Commission on Human Rights nga usa ka dakong lakang ang pagpahigayon og pagdungong sa kongreso sa lower house ug sa senate kalabot sa maduguon nga kampanya batok sa iligal nga drogas sa miaging administrasyon.
Mao kini ang gipaambit ni Atty. Arvin Odron, ang Regional Director sa Commission on Human Rights Central Visayas diin matud niya nga usa ka opotunidad nga makita o madeterminar ang mga kal-ang sa balaod sa nasud ug makasang-at og ambulatory law aron mapanalipdan ang katungod sa katawhan.
Gihatagan og gibug-aton ni Odron nga bawal ang pagpatay ug walay katungod nga mukuha sa kinabuhi sa usa ka tawo.
Gipasabot usab niini nga ang mga wala masikop nga mga polis nga nalambigit sa pagpamatay sa panahon sa giyera kontra drogas tungod sa pagdeklarar og lehitimong operasyon.
Apan subay sa balaod sa nasud, kinahanglan nga atubangon sa mga tinugyan sa balaod atubangan sa korte aron depensahan ang ilang kaugalingon ug ipasabot ang nahitabo bisan pa nga adunay legitimate authorization tungod kay ang pagpatay usa ka krimen.
