CEBU CITY-Nakig-koordinar ang taga Commission on Human Rights (CHR) sa pagsulbad sa liniog nga kamatayon sa biktima nga si Reah Mae Tocmo.
Gipahibalo ni Atty. Arvin Odron, ang Regional Director sa Commission on Human Rights-Central Visayas, nga nagpahigayon usab sila sa pag-imbistiga sa kaso sa 19-anyos nga biktima.
Dugang pa, nga ang kamatayon sa biktima dili ordinaryo nga krimen,hinungdan nga gipasusi ug mas palawman pa ang pag imbistiga tungod sa gidangatan niini.
Sa laing bahin, nagpagawas si Atty. Odron sa iyang opinyon kabahin sa death penalty.
Gitataw niini, nga dili tubag ang pagkutlo usab sa kinabuhi sa usa ka tawo nga nakahimo ug salaud sa iyahang isig ka ingun.
Giklaro usab sa opsiayal, nga mas maayu nga lig-onan pa ang ‘correlational nga sistema’ sa nasod aron dili maka-ikyas ang mga suspek.
Gibutyag niini, nga adunay kasabutan diin ang tanang istados nga niawhag sa kalihukan sa International Covenant on Civil and Political Rights agreement diin panalipdan ang kinabuhi sa tawo isip tawhonong katungod.
Apan, gitino usab ni Atty. Odron nga posibleng mapamando ang death penalty sa nasod tungod anaa pa kini sa atong konstitusyon, ug isip usa ka human right advocating for life wala kini gi awhag sa Regional Director sa CHR.
