Gipamatud-an pag-usab ang pasalig tali sa Pilipinas ug Estados Unidos ubos sa mutual defense treaty.
Taliwala kini sa nagpadayong tensyon tungod sa agresibong aksyon sa China sa West Philippine Sea.
Sa pakigtagbo ni Department of National Defense Sec. Gilberto Teodoro Jr., ngadto kang US Defense Secretary Lloyd Austin sa kahitas-an sa 21st International Institute for Strategic Studies Shangri-La Dialogue kay gihatagan pag-usab sa America ang posisyon niini kalabot sa isyu sa WPS.
Diin hugot niining gikondenar sa opisyal sa US Defense ang harassment nga nasinati sa Pilipinas gumikan sa ilegal nga kalihokan ug aksyon sa China sa giilogan nga kadagatan.
Samtang, gisubli usab ang kamahinungdanon sa kinatibuk-ang interes sa WPS, sa samang higayon nga nagpasalig nga ang gikalalis nga teritoryo nagpabiling gawasnon.
