CEBU – Gikalipay sa mayor sa lungsod sa Compostela, Cebu ang operasyon nga gipahigayun Regional Special Operations Group (RSOG-7), Criminal Investigation and Detection Group (CIDG), Regional Intelligence Division (R2), Security and Exhange Commission ug National Bureau of Investigation, sa opisina sa Kapa Community Ministry International, Inc. sa nahisgutang lungsod.
Gipadayag ni Mayor Joel Quiño nga daku ang iyahang pasalamat kang Presidente Rodrigo Duterte sa kamanduan niini nga ipasiradu ug ipahunung ang operasyon sa nahisgutang investment scam.
Matud pa nga nakita niini nga usa ka dakung anomaliya ang operasyon sa KAPA hinungdan nga iyaha kining gipasakaan ug kaso.
Gihulagway sa mayor nga ‘alarming’ ang pagdaku sa operasyon sa nahisgutang grupu hinungdan nga impurtanti nga misulud na ang gobyerno ug dali kining gi-aksyonan.
Gihimug-atan ni Mayor Quiño nga daku ang iyahang supurta sa gihimu nga operasyon sa mga otoridad batuk sa iligal nga operasyon sa KAPA o Kabus Padatoon.
