Gilusad sa usa ka biotech nga kompanya sa Australia ang talagsaon nga teknolohiya diin usa ka biolohikal nga kompyuter nga adunay aktwal nga mga cells sa utok sa tawo nga gigamit isip bahin sa sistema niini!
Ang kompanya nga Cortical Labs mao ang nagpaluyo sa gitawag nila nga CL1, ang labing una nga code-deployable nga biological computer sa kalibutan.
Imbis nga mogamit og puro nga silicon chips, gidugangan nila ang mga cells sa neuron gikan sa mga stem cell aron makahimo og usa ka sistema nga makahimo sa pagkat-on nga mas paspas kaysa tradisyonal nga artificial intelligence (AI).
Ingon man nga dili kini ang unang higayon nga gisuwayan sa Cortical Labs kini nga teknolohiya gumikan kaniadtong 2022, nakigtambayayong sila sa Monash University aron makahimo og neural computer nga nakabasi sa laboratoryo nga nakakat-on sa pagduwa sa video game nga pong sa lima lang ka minuto.
Apan nakaamgo sila nga kini limitado sa sulod sa laboratoryo, mao nga naghimo sila og mas madaladala ug praktikal nga version, diin mao ang CL1.
Aron mapadayon ang kinabuhi sa mga cells sa utok, ang CL1 gibutang sa usa ka espesyal nga sudlanan nga nagsilbing usa ka sistema sa pagsuporta sa kinabuhi, nagkontrol sa temperatura ug pagbayloay sa gas alang sa mga neuron.
Kini usa ka rebolusyonaryong fusion sa biology ug teknolohiya, ug sumala sa Cortical Labs, kini magamit sa mas lawom nga pagtuon sa panimuot ug mga sakit nga wala magsalig sa pagsuway sa hayop.
