CEBU CITY — Mo-abot sa 423 ka test results sa Coronavirus Disease 2019 ang gipagawas sa Department of Health pina-aagi sa Vicente Sotto Memorial Medical Center Sub-National Laboratory diin 88 niini ang nigawas nga positibo lakip na ang tulo nga subling gi-eksamin.
Subay niini, anaa na sa 180 ang kinatibuk-ang ihap sa covid-19 case sa rehiyon 7.
Sa maong ihap 84 niini ang gikan sa dakbayan sa Sugbo kinsa posibleng nakahimamat sa mga kanhi nasuta nga nagpositibo sa maong makamatay’ng sakit.
82 niini gikan sa Sitio Zapatera Brgy Luz samtang duha ang gikan sa Brgy Labangon samtang anaa na sa walo ka kaso ang natala sa dakbayan sa Lapu-Lapu; tulo sa Mandaue.
Walay natalang bag-ong kaso ang probinsiya sa Bohol, Cebu og Negros Oriental.
Nagpabilin usab ang probinsiya sa Siquijor nga walay kaso sa COVID-19.
