Nasagmuyo ang pipila ka mga estudyante sulod sa session hall sa Cebu City Council human nibotar ang konseho og 8–7 sa pagsalikway sa gisugyot nga resolusyon nga magtugot unta sa memorandum of agreement (MOA) tali sa Asian College of Technology International Education Foundation (ACTIEF) Pit-os Campus.
Ang maong gisalikway nga lakang, nga giduso ni Konsehal Alvin Arcilla, nagtinguha nga maapil ang maong campus sa scholarship program sa siyudad para sa mga estudyante gikan sa amihanang upland barangays.
Gibabagan sa majority bloc ang maong sugyot tungod sa mga kabalaka bahin sa posibleng conflict of interest, mga kakulangan sa proseso sa akreditasyon, ug mga nangaging transaksyon sa scholarship nga gi-flag sa komite.
Diin, sila si Konsehal Mikel Rama, Harold Kendrick Go, Jun Alcover, Jaypee Labella, Joel Garganera, Philip Zafra, Dave Tumulak, ug Harry Eran ang misupak sa lakang.
Subay niini, eksklusibong gikuha sa Bombo Radyo Cebu newsteam ang habig ni Konsehal Alcover aron masuta kung unsa ang iyahang baruganan, maykalabotan na sa pagdumili sa pag-uyon sa maong sugyot.
Giklaro ni Alcover nga dili lang ang ACT nga tunghaan ang na-accredit sa City Hall gumikan sa tinud-aray adunay 24 kabuok tunghaan ang na-accredit, diin ang ACT usa sa mga ning-apply.
Apan, gitino ni Alcover mao nga og nganung ang maong tunghaan wala mobutyag sa kamatuoran kabahin sa rason ug mga depekto kung nganung gibaliran ang maong sugyot sa konseho.
Gani nahisgutan pa ni Alcover katong panahon nga ang dakbayan sa Sugbo ubos pa sa pagdumala ni kasamtangan bise mayor sa Sugbo nga si Osmeña, diin sa susamang kanhing administrasyon, konsehal sa Sugbo usab si Bebot Abellanosa, kinsa tag-iya sa ACT.
Diin matod ni Alcover, sa pagsugod palang sa scholarhip sa maong tunghaan, aduna nay “negative history” tungod kay sa 7,000 ka mga iskolar, kapin sa 5000 niini ang gipa-enrol sa ACT.
Dugang pa, sa maong panghitabo, adunay nikiha niini sa Ombudsman, aprobado kini nga adunay conflict of interest, gumikan kay sa panahon nga gitanyag ang scholarship sa maong tunghaan, si Bebot Abellanosa kadtong panahona mao ang chairman sa Committee on Education.
Hinungdan nga nag-ingun ang Ombudsman nga aduna gayuy conflict of interest, diin mao ang rason nga wala na kini ma-renew. Dugang ni Alcover, nga tungod kay walay ma-renew, gipugngan sa maong tunghaan ang Transcript of Records (ACT) sa mga magtutungha.
Dugang ni Alcover, mao usab kato ang rason kung nganung tumang kasuko ang giyangungo sa mga ginikanan sa magtutungha kay tungod sa pag-hold sa Transcript of Records (ACT) sa mga estudyante tungod lang adunay bayranan ang gobyerno sa ACT.
Busa, nakapangutana si Alcover kung nganung i-hold man ang Transcript of Records (ACT) sa estudyante bisan ang problema lang tali lamang sa gobyerno.
