Cebu City-Hingpit na nga mi file sa iyahang certificate of candidacy si third district Congresswoman Gwendolyn Garcia sa pagka gobernador sa probinsya sa Sugbo alang sa umaabot nga 2019 midterm elections.
Kauban ni Garcia nga mi file sa COC mao ang iyahang amahan nga si kanhi goberndor Pabling Garcia ug si Pablo John Garcia.Matud ni Garcia nga midesidir kining mudagan aron nga mabalik sa number 1 ang Sugbo sa competitiveness ranking.
Matud pa niini nga himuon niining insurgency free ug haw-ason sa mga utang ang probinsya sa Sugbo. Buot usab niini nga mahatagan ug pagtagad ang mga mayor nga imprastraktura sa probinsya nga tan-aw niya napasagdaan sa kasamtangang administrasyon.
Hinuon gitugyan na lamang ni Garcia ngadto sa publiko ang paghukom kung pakyas ba ang Davide administration.
Nagdumili usa sa pagbutyag si Garcia kung kinsa ang mamahimong running mate niini.Si Garcia ang mukandidato ubus sa ONE cebu party ug PDP Laban sa kauluhan.
Gipili matud pa niini ang petsa 12 sa pagfile sa COC gumikan kay swerte kini nga petsa alang kaniya ug natumong usab sa kapyestahan ni Nuestra Señora del Pilar nga maoy ilang patron.
