Gipahamtangan og 18-ka buwan nga ban ang Irish national MMA fighter nga si Conor McGregor.
Kini human sa iyang kalapasan sa anti-doping policy sa Ultimate Fighting Champion (UFC).
Sumala sa Combat Sports Anti-Doping (CSAD) na ikatulong higayon na kining wala naglailawom og biological sample collections sulod sa 12 ka buwan ang fighter niadtong 2024 ang 37-anyos nga si McGregor.
Ang polisiya sa UFC nag-ingon usab nga ang mga atleta kinahanglan maghatag sa husto nga lokasyon kung diin kini nahimutang aron dali nila kini ma-access ug makolekta ang mga sample.
Wala na makaaway si McGregor sukad niadtong Hulyo 2021 human naangol sa iyang tiil sa katapusan niyang away batok kang Dustin Poirier.
Napakyas siya sa pagpa-testing sa miaging tuig niadtong Hunyo 13, Septiyembre 19 ug Septiyembre 20.
Dugang pa sa CSAD nga ilang gipaubos ang ban ni McGregor gikan sa 24 ka buwan ngadto sa 18 ka buwan tungod kay boluntaryo na kini nga nakig-alayon kanila.
