CEBU CITY-Gilantaw nga laing matang sa jeepney phaseout ang pag-require sa mga traditional sa pag-consolidate ngadto sa mga kooperatiba ug korporasyon.
Mao kini ang gipunto ni Greg Perez, ang Bise Presidente sa transport group nga PISTON-CEBU.
Kini gumikan kay kung ugaling man nga dili mu-consolidate ang mga traditional PUJs, mamahimo na sila nga tugotan nga makabyahe sa kadalanan.
Gitumbok usab ni Perez nga ang mga small operators mao ang unang-una nga maapektuhan sa maong programa gumikan kay wala silay igong abilidad aron nga makapalit og modernong sakyanan ug ingon man sa pagporma isip kooperatiba.
Sa pagkakaron, nagpabilin sa gipahon ang baruganan sa naasoy nga transport group sa Sugbo sa ilahang pagsupak sa modernization program nga gisugyot sa gobyerno.
Matod ni Perez nga uyon man hinuon sila sa hisgotanang pag-modernize sa mga transportasyon sa nasud apan ang problema kay kulang og suportang pinansiyal ang gihatag sa gobyerno ngadto sa mga drivers ug operators, hinungdan nga padayon nilang gibatukan ang maong programa.
Subay sa maong balita, padayon ang gipahigayong protesta sa mga nagkadaiyang transport group lukop nasud batok sa December 31 nga deadline nga gitakda sa Land Transportation and Regulatory Board (LTFRB) aron sa pag-consolidate sa mga traditional jeepneys ngadto sa korporasyon o kooperatiba.
