CEBU CITY-Nagbangutan karon ug dili makatoo ang mga konstituente sa gipatay nga Mayor sa Ronda, Cebu nga si Mayor Mariano Blanco.
Kini human nga gisulod kini sa iyang opisina sa 4 ka gunmen ug gipusil ganinang kaadlawon.
Tugod sa panghitabo, gidumog sa katawhan ang munisipyo sa Ronda ug ang balay sa mayor kung diin nakasul-ob pa kini sila og itom nga “arm band” timaan sa ilang pagbangutan. Nakahalf mast usab ang bandera karon sa Municipal Hall.
Matud ni Ronda Vice Mayor Rocky Gabatan, nga wala siya kahibaw unsaon pagpagawas sa iyang gibating kagool sa nahitabo ni Mayor Blanco.Sigon pa niini nga maayong tao ang mayor.
Apan nakasaysay matud pa kaniya ang mayor nga duna kini namatikdan nga motor nga usahay magtambay sa municipyo og sa balay niini apan kumpyansa gihapon kini gani bisan usa ka body guard wala kini.
Nasayran usab nga walay CCTV camera ang Ronda Municipal Building ug plano unta sa Mayor ng butangan kini.
Samtang, nagpahigayon usab og special session ang Council sa Ronda kung diin nasabutan nga magpasar sila og resolution nga pa-imbestigaran ang pagkamatay ni Mayor Blanco.
Imbis nga sila unta ang musponsor sa opening salvo sa kapistahan sa naasoy nga lungsod karong umaabot nga Setyembre 15 ila nalang kini i-vigil sa namatay nga mayor.
