CEBU – Nakuryentihan patay ang usa ka construction labor sa pantalan sa Poblacion sa lungsod sa Carmen amihanang bahin sa Sugbo.
Nahitabo ang insidente alas 11 sa buntag Miyerkules, Hunyo 1 ,2022 diin giila ang biktima nga si Severino Tabay 38 anyos ulitawo, nagtrabaho sa Fluss Krebs Contructors ug residente sa Campo 4, syudad sa Talisay.
Basi sa taho sa kapulisan, nigamit ang biktima og electric portable grinder sa pag putol sa hikot nga wire , apan sa kalit lang na out balance kini ug na hulog sa dagat ,nga dala ang maong grinder nga maoy hinungdan nga kini na kuryentihan.
Gisuwayan pa pagtabang ang biktima apan nakabsan jud kini sa iyang kinabuhi.
Gisugyot ang pagpa-autopsy sa patayng lawas sa biktima aron masuta kung wala bay foul play ang kamatayon sa maong construction worker.
