Daling gipabakwit ang mga crew members sa container ship nga One Henry Hudson human adunay pagbuto ug pagdilaob sa sunog ang mitumaw nga nakabalda sa operasyon sa baro ug crane sa San Pedro port, Los Angeles, California niadtong Biyernes, Nobyembre 22 (oras sa Amerika) sumala sa Los Angeles Fire Department.
Nasuta nga adunay mga hazardous material ang pipila ka mga bays sa pantalan diin ang pagresponde sa mga kabumberohan kay gikinahanglan magsul-ob og protective gear ug self-contained breathing equipment.
Upat sa pito ka mga container terminals ang gisuspenso ang operasyon ug ang waterside safety zone kay daling gi-istablisar sa balibot sa barko.
Miisyu dayon ang LAFD sa shelter-in-place order sa mga lugar sa San Pedro ug Wilmington tungod sa hazardous materials nga hinungdan sa sunog sa barko.
Mipahimangno ang mga awtoridad nga magpabilin usa sa sulod sa panimalay sa mga nahisgutang lugar ug ipawng ang air conditioning units arong dili makahatag og hulga sa ginhawa ug kinabuhi.
