Trending karon sa social media ang lead actor sa “Uninvited” nga si Aga Muhlach ug ang aktres sa “And the Breadwinner Is…” nga si Eugene Domingo nga giingong “gi-snubb” sila sa mga nominasyon sa Metro Manila Film Festival awarding ceremonies.
Diin si Muhlach gisumiter alang sa lead actor category samtang si Domingo alang sa supporting actress category alang sa dramedy movie nga susamang mga gipangkumpirmar sa network.
Nakurat ang mga netizen ug nanan-aw sa seremonyas sa dihang wala maapil ang ilang mga pangalan sa mga nominasyon.
Dugang pa sa duha, gikuwestiyon usab sa mga fans kon nganong wala usab ma-nominate sila si Dan Villegas ug Jun Lana – mga direktor sa “Uninvited” ug “And the Breadwinner Is…”.
Ingon man nganong si Zig Dulay, direktor sa MMFF 2024 Best Picture nga “Green Bones” ug ang MMFF 2023 Best Picture “Firefly”, kay wala makadaog og Best Director o bisan man lang tie sa mananaog, nga “The Kingdom” director Michael Tuviera.
Tungod sa pagkwestyon sa mga netizens kay nagpost online si MMFF Spokesperson Noel Ferrer aron mawagtang ang mga hungihong ug pangutana sa kredibilidad sa mga hurado ug sa ilang desisyon.
Diin sukad 2016 gipabilin niini ang integridad sa matag usa ug matag sakop sa Hurado hinungdan nga giklaro ni Ferrer nga walay luto nga nahitabo ug miagi sa tukmang proseso ug pagsusi ang matag salida.
