Gibasura sa Court of Appeals ang petisyon ni Cassandra Li Ong nga nagtinguha nga mabasura ang iyang kasong qualified human trafficking.
Diin wala tugoti sa korte ang Petition ni Ong alang sa Certiorari nga ipa-annul ug ihiklin ang resolusyon nga giisyu sa Prosecutor General niadtong Abril 2025.
Sa pito ka panid nga resolusyon nga giluwatan sa Court of Appeals 13th Division, kini nitataw nga ang korte dili kumbinsido sa mga argumento ni Ong tungod sa kapakyas sa pagsunod o pag-agi sa saktong proseso.
Ang gipagawas nga desisyon nagkanayon nga gikwestyon niini ang hinanaling pag-apelar sa akusado nga si Cassandra Li Ong ngadto sa korte sa apelasyon nga wala una mopasaka og apelar sa Department of Justice.
Si Cassandra Li Ong, uban ni kanhi presidential spokesperson Harry Roque ug uban pa, nag-atubang karon sa usa ka qualified human trafficking nga kaso.
Kini tungod sa ilang kalambigitan og koneksyon sa ilegal nga kalihokan sa Philippine Offshor Gaming Operator (POGO) hub Luck South 99 Corporation sa Porac, Pampanga.
