Masaligon ang Malacañang nga dili makaapekto sa performance ang pagsumiter sa courtesy resignation mga kadagkoan sa Government Owned or Controlled Corporations (GOCCs).
Kini ang gipahayag ni Executive Secretary Lucas Bersamin human gimando sa Palasyo ang pagsumiter sa courtesy resignations sa mga pangu sa GOCCs.
Matud pa sa kalihim nga nasayod ang maong mga opisyal sa ilang mandato, nga kinahanglang magpadayon ang serbisyo sa ilang mga buhatan, bisan pa niining hangyo sa Malacañang.
Gipasalig ni Bersamin nga bisan pa sa performance review nga gihimo sa Palasyo, ang direksyon sa palisiya sa Administrasyong Marcos, ug ang mga buhatan sa gobyerno ubos niini kaymagpadayon, ingon man nga wala silay nakita nga epekto sa pakigtambayayong sa gobyerno sa pribadong sektor.
Sa pagkakaron, halos tanang kadagkoan sa GOCC nakasumitir na sa ilang resignation letters, ug pipila ra ang nagpaabot.
