CEBU CITY– Gihulagway sa usa ka batid sa panglawas nga anaa na sa ‘saturation limit’ ang mga natalang kaso sa COVID-19 ug posible kining molurang sulod na sa 10 ka adlaw.
Matud ni Dr. Rene Josef Bullecer sa dihang nahinabi sa Bombo Radyo Cebu sa tulumanong Bombohanay Bigtime nga masinati usab sa Cebu City ang nahitabo sa Manila diin misaka ang so niini niadtong buwan sa Abril ug mikanaog pagkalabay sa pipila ka adlaw. Apan gitataw sa doktor nga dili usab kakumpyansa-an sa mga Sugbuanon ang nagkasakang mga kaso sa COVID-19 gumikan kay angayang bantayan sa uban ang case fatality rate.
Hinungdan nga napanglantawan ni Bullecer nga bisan pa man sa nasinating kahasol tungod sa pagdeploy sa mga kapulisan sa dalan, masinati usab ang epekto niini mao ang kahayahay nga kinabuhi sa umaabot.
Subay niini gi-segundahan usab ni Bullecer ang pamahayag sa World Health Organization (WHO) nga posibleng masinati ang labing grabeng epekto sa COVID-19 kung dili ipadayon ang mga medical interventions.| via GN
