Mugahin matud pa si Lapu-lapu City Mayor Ahong Chan sa iyang usa ka buwan nga sweldo sa mga oponganon nga nanginhanglan ilabina kadtong dili ka-afford og hygiene kit ingon man mga alcohol.
Matud ni Chan nga usa kini ka pamaagi nga makatabang sa katawhan niining panahon sa krisis subay sa hulga sa COVID-19.
Nasayran nga mulimpyo si Mayor chan og 125,000 pesos isip sweldo sa usa ka mayor sa dakbayan sa Lapu-lapu ug nanawagan kini sa ubang opisyales nga mugahin usab sa ilang sweldo alang sa mga nanginahanglan.
Samtang nagpatuman na usab sa ilang curfew ang dakbayan kagabii ug karong adlaw ipatuman na ang multa kung diin malkamulta ang si kinsa mang makalapas og 1,000 pesos alang sa first offense, 3,000 pesos sa second offense, ug 5,000 pesos sa third offense ug pagkapriso dili muubos sa 6 ka buwan.
Sa pagkakaron dunay 2 ka Patients Under Investigation sa lapu-lapu ug dunay mga persons under monitoring.
Apan gipahibalo ni Chan nga ang duha ka PUI mi-arang arang na ang kahimtang.
