Pagpadaplin sa kina-unhang damgo isip pagka-abogado aron lang mahiluna ang kaugalingon ug pamilya sa hisgutanang pinansyal, mao kini ang talagsaong gibuhat ni Atty. Alan Leo Tabuco Paran, isip kinamaguwangan sa iyahang pamilya.
Lumad Sugbuanon, kinsa residente na karon sa syudad sa Talisay, apan sa kasamtangan, nanimpad na karon sa kaulohan, usa na ka hingpit nga abogado, ug anaa, nanghawd human nahimutang sa ika 11th Rank sa 2025 Bar Examinations.
Gipaambit ni Atty. Alan Leo Tabuco Paran, kinsa nagdako sa Bulacao ning Dakbayan sa Sugbo, apan mibalhin sa Brgy. Lagtang, Talisay, Cebu, nga niadtong tuig 2007, nigradwar siya sa elementarya isip class valedictorian sa Bulacao Community School, ug nitunga sa University of San Jose Recoletos sugod highschool hangtud sa kolehiyo, ug mikuha og Bachelor of Science in Accountancy.
Nahuman ni Atty. Paran ang iyang Bachelors Degree sa tuig 2015, ug hingpit nga nahimong Certified Public Accountant (CPA) sa tuig 2016, ug karon anaa na sa Manila, padayong nanimpad ug nanarbaho.
Mao kini ang iyang gisaysay atoll sa esklusibong pakighinabi sa Bombo Radyo Cebu Newsteam kaniya, diin matod niya, nagsugod ang iyahang pangandoy nga mamahimong abogado sa umaabot nga panahon niadtong highschool pa siya, apan gipadaplin una niya kini kay aduna pa siyay gikargang obligasyon nga mo amuma sa iyang pamilya isip usab nga kinamaguwang anak sa iyang ginikanan.
Lakip sa nahisgutan ni Atty. Paran mao ang panahon sa pandemic tuig 2021, nakadesisyon siya nga balikan na niya ang iyahang orihinal nga damgo—mahimong usa ka abogado, busa nitungha siya sa unang tuig sa University of Cebu law school aron ipadayon ang iyahang damgo, dayon sa ikaduhing tuig niini, nakadesiyon na usab siya nga motrabaho sa Manila, hinungdan nga nibalhin siya og tunghaan og mao ang Arellano University.
Samtang, gibarugan usab niya nga ang law school usa ka matang sa pagtuon nga dili sayon, ilabi na sa iyahang parte nga dako og labangonon isip usa ka CPA niadtong 2016, ug fulltime worker hangtud makahukom siya nga mag-skwela og law niadtong 2021, dako ang iyahang kausaban nga pagahimuon ilabi na isip usa ka full time working student.
Gidugang niya nga lakip sa iyang hagit nga nahihimat kadtong panahon nga nanimpad siya sa Manila, ilabi na language barrier, hinungdan nga adunay higayon nga maglisud siya og pakigstorya sa iyahang mga classmates, pero nalutsan ra kini niya nga hagit.
Apan, dili ra diha taman ang iyahang mga nasagubang kay apil na usab ang financial status niini, kay matod ni Atty. Paran, maikog na siya mangayo sa iyahang inahan og pangsustento.
Subay niini, mapasalamaton si Atty. Paran sa labawng makagagahom kay nahuman ra niya ang pagtunga sa law sulod ra sa upat ka tuig, apan wala niya gisalikway nga niabot usab siya sa punto nga na kwestiyon niya iyang desisyon sa pagsulod sa maong matang sa pagtuon.
Apan, inubanan sa pagpangayo og giya ug gasa sa Ginoo, nagmalampuson siya sa iyahang panaw, ug karon usa na ka hingpit nga abogado.
