Gihatagan na karon sa Cebu Provincial Police Office (CPPO) og pagtagad ang pagpatuman sa mga community-based programs sa Balamban ug Toledo City aron kalikayan ang nagkahitak nga plantasyon sa marijuana.
Matud ni CPPO Director Police Col. Roderick Mariano nga mopahigayon sila og mga medical missions, feeding programs, ug regular nga pagpatrolyar sa mga lugar nga nahimong tamnanan sa marijuana.
Dugang pa niini nga napugos ang mga mag-uuma nga mananom og marijuana gumikan sa kakuwangan og panginabuhi-an.
Nanghinaut usab ang CPPO Director nga makatabang ang ilang programa aron makadiskubre sila og mga lugar nga posibleng tamnan og marijuana.
Kini pinaagi na sa ilang regular nga pagpatrolyar sa nahisgutang mga lugar sa Sugbo.
Sulod sa duha ka buwan ning kasamtangang tuig, anaa na sa P37.8-million nga balor sa marijuana plants ang giibot gikan sa Balamban ug Toledo City. (with reports by Bombo Joann Gantalao)
