Nakabalik na sa Pilipinas ang cremated ash sa namatay nga 19 anyos nga content creator nga si Emman Atienza.
Anak si Emman sa host nga si Kuya Kim Atienza ug sa educator/environmentalist/fitness enthusiast nga si Felicia Hung Atienza.
Niadtong Nobyembre 1, All Saints’ Day, nag-post si Felicia og litrato sa urn nga adunay sulod nga cremated ash ni Emman.
Gilibutan kini og puti nga mga bulak ug usa ka basket nga puno sa mga prutas.
Sa background sa litrato, makita ang daghang mga painting, ug base sa hitsura sa lugar, mahimong mahinuha nga kini gikuha sa balay sa pamilyang Atienza.
Nalakip sa litrato ang usa ka kinasingkasing nga mensahe gikan ni Felicia para sa iyang anak nga si Emman.
Usa ka haya alang kang Emman ang ipahigayon sa Nobyembre 4-5 gikan sa alas 12:00 sa udto hangtod alas 10:00 sa gabii sa Chapel 5, The Heritage Memorial Park.
