CEBU CITY – Gipahupay ni Cebu City Mayor Edgardo Labella ang kabalaka sa mga residente sa Barangay Taptap, subay sa planong paghimo ug quarantine area sa Cebu City Resource Management and Development Center (CREMDEC).
Giklaro ni Mayor Labella nga sa pagkakarun wala pa may gipaubos sa monitoring sa COVID-19.
Kini ang pagtataw sa opisyal human sa nahitabong mainiton nga pagtuki tali ni Cebu City Health Officer Dr. Daisy Villa ug mga residente sa nahisgutang barangay kalabot na sa pagbutang ug quarantine facility sa ilahang area.
Hugot nga gibabagan sa mga lumulupyo ang maong plano sa City government gumikan sa ilahang kabalaka nga sila mataptan sa coronavirus disease 2019.
Kahinumdoman nga mismong si Mayor Labella ang mi-inspeksyon sa CREMDEC niadtong adlaw nga Biyernes diin mao ang butangan sa mga Persons Under Monitoring (PUMs) nga gikan sa mga lugar nga apektado sa nahisgutang virus.
