Mikunhod karong tuiga ang crime incidents sa dakbayan sa Sugbo kon itandi sa mga nakalabay nga katuigan.
Kini ang gibutyag sa Cebu City Police Office tungod sa ilang mga lakang sa kanunay nga pagbantay sa syudad lakip na ang pagpakatap sa mga police visibility sa nagkadaiyang dapit sa Cebu City.
Dugang pa nga usa sa mga hinungdan sa pagkunhod sa mga panghitabo ang pagseryoso sa pagsugpo sa mga nalambigit sa ginadiling drugas ug mga illegal nga mga kalihokan.
Matud ni PCapt. Charisma Gonzales nga aduna silay weekly operation sa pagsugpo sa gindiling drugas sa tanang AOR sa matag police station sa dakbayan ug aduna usab silay gitawag nga One Time Bigtime Oplan Bulabog sa matag Barangay.
Ingon man nga tungod usab sa ilang pag-pasunod sa mga City Ordinance kay mao kini ang naka-kontroral sa mga ilegal nga aktibidad.
Bisan paman dili malikayan ang mga panghitabo apan matud ni Gonzales nga karong tuiga dili kaayo alarming sa katawhan gumikan sa kaminos sa mga panghitabo hilabi na sa mga shooting incident.
Gipasalig usab sa CCPO sa pagpangu ni PCol. Enrico Figueroa nga luwas ug dili kuyaw ang dakbayan sa Sugbo lakip na sa mga turista ug mga katawhan nga mobisita sa maong dakbayan hilabi na ning singabutay nga kalag-kalag.
Ingon man niining umabotay nga Pasko ug bag-ong tuig gipaniguro usab nga naa ra ang mga sakop sa kapulisan sa CCPO sa kanunayong pag alagad sa katawhan ug sa pagbantay haron sa ingon magpabiling hapsay ug linaw ang dakbayan sa Sugbo.
Gipaabot usab sa CCPO ang ilahang natala nga record sa mga panghitabo nga shooting incident sa matag PS sugod sa bulan sa enero hantod ning kasamtangang bulan.
Diin ang PS 1 adunay usa ka record sa shooting incident PS 2 adunay 7, PS 3 adunay 4, PS 4 adunay 8, samtang Ang PS 5 walay record sa maong panghitabo, PS 6 adunay 11, PS 7 adunay 9, PS 8 adunay 1, PS 9 adunay 2, PS 10 adunay 15, PS 11 adunay 6 samtang wala usab na tala nga record ang PS 12
Sa pikas bahin, mahitungod sa ginadiling drugas nga ilang nasakmit sa nagkadaiyang PS sulod lang sa pagsugod sa bulan sa October 2025,
Mikabat og 490.02 grams sa getouhang drugas ang ilang na kompiska ug mo balor sa kantidad nga Total market value – PHP 3,332,136.00 ug adunay 78 ka mga individual ang nasikop ang 74 niini straight level individual (SLI) samtang ang 4 niini High Value Individual (HVI) gelangkuban kini sa 62 ka operations sa manag lahi nga police station. | via Bombo Koky Cabatingan
