CEBU – Gibutyag ni Cris Saavedra nga nakadawat sya og suwat gikan sa Office of the Ombudsman- Visayas nga patubagon na si kanhi mayor tommy Osmeña ug ubang opisyales nga nipirma sa P18 billion project sa Kawit Island.
Nagsumikad ang maong kaso sa giingong sweetheart deal tali sa Cebu City Government ug sa Universal Hotel and Resorts Inc. (UHRI) nga diin matod pa ni Saavedra ang contractor nga nakadaog walay kapabilidad o kapasidad sa maong proyekto.
Gumikan wala kini track record ug dili haom nga modumala sa maong proyekto.
Dugang pa ni Saavedra nga 2019 pa dihang iyahang gipasaka ang maong kaso.
Ug iyahang gihangyo nga suspensuhon sa Ombudsman og 6 ka buwan kung kinsa to ang mga kasamtangang opisyales sa naglingkod sa kagamhanan sa Sugbo aron dili ma-impluwensyahan ang maong kaso.
Nagkanayon usab kini nga disadvantageous ang maong project sa syudad gumikan gamay ra kaayo ang makwarta nga masud sa panudlanan sa lokal nga kagamhanan kung madayon ang mega casino diha sa Kawit Island, SRP.
