CEBU CITY-Mipadayag sa ilang kaandam ang buhatan sa City of Talisay-Traffic Operation Development Authority (CT-TODA) ngadto sa Cebu City Transportation Office (CCTO) sa pagdumala sa trapiko sa dakbayan sa Sugbo karong Fiesta Senior ug Sinulog 2025.
Kini ang gibutyag ni Jonathan “Joy” Tumulak, ang pangu sa CT-TODA diin sa pagkanayon nga andam ang ilang sakop nga mutabang sa pagpatunhay sa pagdumala sa trapiko karong panahona sa kataas sa kapistahan sa Balaang Bata sa Sugbo.
Dugang pa nga ang ilang mga personahe kay i-augment sa dakbayan sa Sugbo human sa mga dagkong kalihokan sa syudad sa Talisay subay sa natapos nga Charter Day niini.
Ingon man nga gipanglantawan karon nga mas mudagsa pa ang mga deboto samtang nagpadayon ang nobenaryo sa Basilica Minore del Sto Niño de Cebu hangtod sa adlawng kapistahan niini inig Enero 19.
Sa pagkakaron, nagpapaabot nalang ang buhatan sa CT-TODA sa komunikasyon gikan sa CCTO aron sa pag-abag kanila.
Ingon man nga pasalig sa opisyales ang dili maapektuhan ang operasyon sa ilang personahe sa dakbayan sa Talisay bisan paman sa augmentation nila sa Sinulog 2025.
