Nagsang-at og petition for bail ang kampo sa kontraktor nga si Curlee Discaya ngadto sa korte isip lakang aron makuha ang iyang temporaryong kagawasan, samtang gidungog pa ang kaso nga iyang giatubang kalabot sa giingong anomalosong mga proyekto sa flood control sa Bulacan.
Kini gikumpirma sa iyang abogado nga si Atty. Cornelio Samaniego III sa usa ka interbyu niadtong Biyernes.
Iyang gipasabot nga ang ilang kampo mahimo gihapon nga magsang-at og petisyon alang sa piyansa, bisan pa man kung ang maong kaso giisip nga non-bailable (dili mapiyansahan).
Sumala sa abogado, susihon pa gihapon sa korte kung lig-on ba ang mga ebidensya batok sa akusado sa dili pa kini modesisyon kung tugutan ba siyang makapiyansa.
Si Discaya gidakop niadtong Hunyo 8, 2026, human mapasakai og kasong malversation of public funds through falsification of documents kalabot sa giingong anomalosong pagpatuman sa pipila ka mga proyekto sa pagkontrol sa baha sa Bulacan.
Sa pagkakaron, kasamtangan siyang natanggong sa Bulacan Provincial Jail sa Malolos City uban sa uban pang mga indibidwal nga nalambigit sa maong kaso.
