Kauban nang magduwa ang mag-igsoung NBA players nga sila Seth Curry ug Stephen Curry, human nga mipirma si Seth isip free agent sa Golden State Warriors.
Karong tuiga maoy ika-16 nga season ni Stephen Curry sa Golden State Warriors sukad na-draft niadtong 2009, diin nakakab-ot siya og 4 ka championship, 1 Finals MVP, ug 2 Season MVP awards.
Sa pikas bahin, kini ang ika-11 nga season ni Seth Curry, kinsa katapusang nakaduwa sa Charlotte Hornets diin nag-average siya og 6.5 puntos, 1.7 rebounds, ug 45.6% nga shooting gikan sa 3-point line.
Mao na kini ang ika-23 nga higayon sa NBA nga adunay managsuon magduwa sa samang team.
Para sa 2025 26 season, ang Curry brothers maoy ikatulong tandem sunod nila Giannis ug Thanasis Antetokounmpo sa Milwaukee Bucks, ug Franz ug Moritz Wagner sa Orlando Magic.
