Midepensa ang Department of Agriculture-Bureau of Fisheries and Aquatic Resources (DA-BFAR) sa ilang polisiya nga temporaryong gidili ang pagpangisda sulod sa pipila ka mga panahon alang sa pagkonserba sa mga kahinguhaan sa kadagatan.
Sa usa ka pahayag, ang ahensya nag-ingon nga kini nagpamatuod pag-usab sa ilang pasalig sa sirado nga panahon sa pagpangisda, nga gihulagway niini nga usa ka kritikal nga lakang sa konserbasyon.
Matod sa DA, ang tumong sa maong polisiya mao ang pagpuno sa stock sa isda ug adunay long-term food security alang sa nasud.
Kay ubos sa closed fishing policy, gidili ang dinagko nga pagpanakop sa mga isda sa importanteng fishing grounds gikan sa Nobyembre hangtod Marso.
Gipasabot usab ni Agriculture Secretary Francisco Laurel Jr. nga ang fishing ban nagsuporta sa mga mangingisda ug mga konsumidor pinaagi sa pagsiguro sa padayon nga produksyon sa isda.
Gitug-an usab sa kalihim nga tubagon sa importasyon ang temporaryong kal-ang sa suplay tungod sa sirado nga panahon sa pagpangisda o mga bagyo nga miigo sa nasud. Matod pa niya nga dili kini kapuli sa lokal nga produksiyon sa isda kondili suplemento aron magpabiling lig-on ang presyo.
