Mihimo si Agriculture Secretary Francisco Tiu Laurel Jr., og Technical Working Group (TWG) aron pakusgan ang administratibong mga pamaagi ug polisiya ug tangtangon ang non-tariff sa agri imports.
Gitudlo sa kalihim sa DA si Undersecretary for Policy, Planning and Regulations Asis Perez nga maoy mangulo sa TWG nga makapasayon sa mga importers nga makakuha og lisensiya o ma-exempt ang mga lisensiyado nga importer sa pagsumiter sa gikinahanglang rehistrasyon.
Gitahasan usab ni Tiu Laurel ang technical working group nga mokonsulta sa Komite sa Taripa ug Kalambigitan sa National Economic and Development Authority aron tugotan ang pag-import sa pipila ka mga produkto sa agrikultura bisan lapas sa gidaghanon nga gitugot sa Minimum Access Volume ug pakunhuran, kung dili wagtangon, ang mga bayronon sa administratibo sa maong importasyon.
Ingon man nga pakusgon ang proseso ug mga kinahanglanon alang sa pag-isyu sa sanitary ug phytosanitary permit nga gikinahanglan alang sa importasyon sa mga produkto sa agrikultura.
Lakip usab ang paglihok aron mapauswag ang logistics, transportasyon, pag-apod-apod ug pagtipig sa mga imported nga produkto sa agrikultura.
Ug ang pagmugna Technical Working Group secretariat, nga pangunahan ni Atty. Jomila May Fugaban diin mao na ang responsible sa regular nga pagtaho ngadto sa DA Secretary lakip na ang epektibong operasyon sa maong Technical Working Group.
