Misaad ang Department of Agriculture (DA) nga tabangan ang mga mag-uuma nga naglisod tungod sa ubos nga farmgate nga presyo sa kamatis.
Tungod kay unang gireklamo sa mga mag-uuma ang pagtidlom sa presyo sa kamatis sa farmgate ngadto sa P4-P8 matag kilo, mao nga gipili sa uban nga dili na anihon kay mas taas pa ang gasto sa pag-ani kay sa ginansya nga ilang mabaligya.
Matod ni DA Spokesperson Assistant Secretary Arnel de Mesa, nakig-alayon na ang mga lokal nga buhatan sa DA sa mga mag-uuma aron madala ang saktong tabang ngadto kanila.
Ang mga rekomendasyon naglakip sa daghang mga linkage sa merkado, transportasyon / logistics, ug uban pa.
Dugang pa nga ang mga mag-uuma mahimo usab nga mangita og mga outlet diin sila makadala sa ilang mga inani nga kamatis o kaha ibaligya sa tindahan sa Kadiwa.
Lakip sa mga dagkong plantasyon sa kamatis mao ang Cordillera, Ilocos Region, Central Luzon, ug Cagayan Valley, nga nag-una nga nagsuplay sa ubang bahin sa nasud sama sa National Capital Region.
Misaad usab ang opisyal nga P1.5 bilyones nga pundo ang gigahin alang sa pagpalapad ug pagtukod og dugang cold storage facilities sa nasud aron matabangan ang mga mag-uuma ug malikayan ang pagkadaot sa ilang mga agri commodities.
