METRO MANILA-Nipadayag ang Department of Agriculture (DA) sa ilang kaandam nga ibaligya ang bugas sa tag P40 matag kilo.
Gitino ni Agriculture Secretary Francisco Tiu Laurel Jr., nga magsugod kini kung aduna nay daghan nga imported nga bugas ang ipaubos sa mas ubos nga taripa sa ilang pag-abot sa nasod sa umaabot nga mga buwan.
Ang bugas nga gibaligya sa Rice-for-All nga programa mahimong makunhuran ug P5 matag kilo kung mogaan na ang presyo niini.
Pananglitan, kon ang retail price moabot og P45 matag kilo sa bugas, P40 na ang presyo sa ilang Rice-for-All program.
Kahinumduman, nga nagsugod ang nasangpit nga programa niadtong Agosto 1 diin ang well-milled rice gikan sa mga local importers ug traders gibaligya sa tag P45 matag kilo nga adunay limit nga 25 kilos matag tawo matag adlaw nga mas ubos sa presyo nga P47 ngadto sa P55 matag kilo.
