CENTRAL VISAYAS-Gibutyag sa Regional Director sa DEPED Central Visayas, Dr. Salustiano Jimenez nga daghan ang mga aplikante nga mga magtutudlo alang sa 89,000 ka bakante nga posisyon hilabi na sa Central Visayas.
Dugang pa nga nanawagan kini nga daghan og kuwang nga guidance counselor sa mga publiko nga mga tunghaan.
Gani may mga guidance counselors dili mga lisinsyado kung aduna man mga lisisnsyado tua sa mga pribado nga mga tunghaan.
Samtang sa mga senior high, daghang mga specialized subjects ang wala pay mga magtutudlo mao nga mo-hire og mga nurse, engineer ug uban pa nga dili lisinsyado nga motudlo.
Malaumon si Jimenez nga mo-abot ang panahon nga adunay maabot nga mga qualified teachers kini ang mohulip sa mga dili lisinsyado nga mga magtutudlo aron nga matutukan ang panginahanglanon sa mga tinun-an sa ilahang pag-eskwela.
Gitataw usab sa direktor nga dili makompleto ang ihap nga gikinahangalan sa DEPED base sa anonsyo ni Senador Pia Cayetano nga kakuwangan sa ihap gumikan sa budget.
Ingon man kung ang budget ma-igo sa 20,000 ka mag-tutudlo mao na ang bahin-bahinon sa tanan nga rehiyon aron mahulipan ang kakuwang.
