Daghang mga residente sa Puerto Rico, nawad-an sa kuryente tungod sa Hurricane Ernesto

PUERTO RICO-Gikatahong daghang mga residente sa Puerto Rico ang nawad-an sa kuryente tungod sa mga kadaot sa Hurricane Ernesto.

Diin ang Category 1 hurricane kay nagdala sa kusog nga hangin nga miabot sa 75 mph.

Sumala sa National Hurricane Center, miagi kini sa Virgin Islands ug miigo sa Puerto Rico.

Tungod sa kakusog sa hangin, daghan sa mga tanom nga kahoy ang nangahulog.

Ang nasangpit nga bagyo padulong sa Caribbean ug gipaabot nga mohuyang kini.