CEBU – Napabilin sa dakbayan sa Carcar ang titulo isip kampiyon sa Pasigarbo sa Sugbo festival gumikan giila kini nga big winner karong tuiga.
Gipakita sa contingent sa dakbayan ang ilang Kabkaban Festival nga maoy nakakuha sa top awards alang sa major categories alang sa Pasigarbo sa Sugbo 2022.
Nakuha nila ang 1st place para sa Street Dance Competition ug Ritual Showdown ug mga espesyal nga awards sama sa Best in Festival Jingle ug 3rd place alang sa Best in Andas.
Ania ang listahan sa mga mananaog alang sa Pasigarbo sa Sugbo karong tuiga.
Sa Ritual Showdown; 1st place Carcar City – Kabkaban Festival , 2nd place Toledo City – Hinulawan Festival , 3rd place City of Naga – Dagitab Festival , 4th place Minglanilla – Sugat Kabanhawan Festival, 5th place Bantayan – Palawod Festival , 6th place Talisay City – Halad-Inasal Festival , 7th place Liloan – Rosquillos Festival , 8th place Dalaguete – Utanon Festival, 9th place Consolacion – Sarok Festival ug 10th place ang Moalboal – Kagasangan Festival.
Sa Street Dance Competition; 1st place Carcar City – Kabkaban Festival, 2nd place Barili – Panumod Festival, 3rd place Liloan – Rosquillos Festival, 4th place Minglanilla – Sugat Kabanhawan Festival ug 5th place ang Dalaguete – Utanon Festival.
Sa Best in Decorated Audio Van; 1st Place Madridejos – Isda Festival, 2nd Place Balamban – Lingaw Sadya Festival, 3rd Place Minglanilla – Sugat Kabanhawan Festival, 4th Place Consolacion – Sarok Festival ug 5th Place ang Bantayan – Palawod Festival.
Sa Best in Andas; 1st Place Minglanilla – Sugat Kabanhawan Festival, 2nd Place Mandaue City – Panagtagbo sa Mandaue Festival ug 3rd Place (tie) ang Carcar City -Kabkaban Festival ug Ronda – Humba Festival.
Kahinumdoman nga niadtong Biyernes nakuha usab sa ilahang kandidata nga si Mia Loureen Tamayo ang korona sa Pasigarbo sa Sugbo Festival Queen 2022 lakip ang duha ka special awards alang sa Best in Group Production Presentation ug Best Solo Performer.
