Milagda og sisterhood agreement ang duha ka mga syudad tali sa dakbayan sa Danao sa amihanang Sugbo ug Kashima City sa nasod nga Japan.
Gipangunahan ni Shinichi Taguchi ang delegasyon sa Kashima City diin sila mibisita sa dakbayan sa Danao aron sa pormal nga paglagda sa kasabutang hinigala-ay sa duha sa syudad aron sa pagpaninguha sa long-term nga internasyonal nga kolaborasyon alang sa duha ka lokalidad nga naka-focus sa kultura, edukasyon, sports, ekonomiya ug environmental nga mga inisyatiba.
Ang nilagda-ay nahitabo sa Danao City Hall nga gitambungan sa mga opisyal sa kagamhanang dakbayan sa Danao, lakip na ang mga department heads ug mga representante sa komunidad.
Matod pa ni Danao City Mayor Thomas Mark “Mix” Durano nga ang ilang partnership wala lamang makabenepisyo sa syudad apan sa pagpalapad sa kahigayonan sa mga silingan nga local government units (LGU).
Dugang niini nga gikumpara niya ang dakbayan sa Danao sa Kashima City isip usa ka port city nga milambo pinaagi sa kauswagan sa industriya ug turismo.
Ang Kashima City kay usa ka coastal city sa habagatang-sidlakan sa Ibaraki Prefecture sa nasod nga Japan.
