DANAO CITY-Temporaryo nga gidid-an sa kagamhanan sa Dakbayan sa Danao ang pagsulod sa mga buhing baboy ug mga produkto sa baboy gikan sa Carcar City ug Negros Oriental, nga bag-o lang nakatala og kumpirmadong kaso sa African Swine Fever (ASF), usa ka makatakod kaayong sakit nga viral nga nakaapekto sa mga baboy.
Gipirmahan ni Danao City Mayor Thomas Mark Durano ang giluwatan niini nga Executive No. 20 series of 2023.
Gimando usab niini ang higpit nga pagpatuman ug regulasyon sa pagsulod sa mga buhing baboy ug bisan unsang mga produkto sa karne nga may kalabotan sa baboy, parehong giproseso ug giluto, gikan sa gawas sa Danao nga wala’y gikinahanglan nga sertipiko sa kahimsog sa hayop ug sertipiko sa backyard farm sa barangay, ug uban pa.
Una niini ang Bureau of Animal Industry (BAI)- Animal Disease Diagnostic and Reference Laboratory (ADDRL) bag-o lang mikompirmar sa pagkakita sa ASF viral DNA sa mga sample sa dugo nga nakuha isip resulta sa ASF surveillance sa Carcar City.
