-- ADVERTISEMENT --
CEBU – Atol sa regular session karung buntaga Lunes Sept. 12, giaprobahan sa Mandaue City Council ang rekomendasyon sa City Disaster Risk Reduction Management Council nga ipaubos sa state of calamity ang dakbayan aron matubag dayon ang dautang epekto sa dakong pagbaha niadtong Septiyembre 9.
Gibutyag ni Alain Ybañez City Disaster Head sa Mandaue, nga sa datus sa City Social Welfare and Services, 11 sa 27 ka barangay ang apektado sa baha samtang dili mominus 500 ka pamilya ang gipabakwit.
Gihangop usab niini ang pagbutang sa Dakbayan sa State of Calamity, gumikan kay tungod niini, mas pas-pas og mas dali alang kanila ang pag-process sa mga papeles.
