MANDAUE CITY,CEBU- Plano sa dakbayan sa Mandaue nga magbutang ug border control sa pag-screen sa pagsulod sa mga baboy ug mga produkto sa baboy nga musulod sa dakbayan karung semanaha.
Gibutyag ni Dr. Karen Merilles, ang City Veterinarian sa Mandaue City Veterinary Office, nga plano nila magbutang ug checkpoints dungan sa uban pang mga local government units (LGUs) nga gilusad partikular na sa habagatan nga bahin sa Sugbo.
Hugot usab ang ilahang pagsusi karun sa tanang kamerkadohan sa dakbayan arun nga masuta kung ang tanan adunay dokumento partikular na ang Meat Inspection Certificate gikan sa National Meat Inspection Services.
Samtang, sa mga ihawan sa dakbayan, matud ni Dr. Merilles nga gimandoan nila ang tanang mga nanag-iya nga susihon pag-ayo ang mga dokumento sa ilahang mga kliyente arun nga masiguro nga dili sila makadawat ug mga ASF positive nga mga baboy.
