CEBU CITY-Subli na usab nga nahimong nominado ang dakbayan sa Sugbo isip Most Bicycle Friendly City sa tibuok Pilipinas karung tuiga.
Kini basi sa Mobility Awards Group, usa ka organisasyon nga nag-ila sa mga buhat sa pagpangulo sa mga lokal nga pangagamhanan sa Pilipinas, mga trabaho-an ug mga establisimento nga nag-promote sa active mobility sa ilahang mga konstituwente, customers, empleyado ug komunidad.
Una nang na nominate ang Cebu City niadtong tuig 2021 kung diin nakadawat kini og silver award ug ang ikatulo nga pwesto isip Most Bicycle Friendly City sa Visayas sa nationwide round sa mobility award.
Mapasalamaton si Bernard Maraasin, ang executive director Sugbo Bike Lanes Board, nga nominado na usab ang syudad karung tuiga gumikan sa pasidungog nga dala niini sa dakbayan arun nga mahimong nominee.
Gipadayag ni Maraasin nga pipila sa mga rason nga nahimong nominado kay ang mga pagbutang sa dedicated bike lanes sa mga siklista, paghatag og prayoridad sa shared lanes ug ang pagbutang og solar stats.
Lakip sa mga nominado sa syudad Most Bicycle Friendly City as of June 28, 2023 mao ang Baguio City, Quezon City, Olangapo City, Taguig City, Muntinlupa City, Davao City ug Iloilo City.
Nasayran nga abli ang nominasyon hangtud sa Setyembre 7, 2023.
Tumong sa mobility award sa pag-promote og biking paingon sa trabaho sa mga empleyado, kliyente, ug sa komunidad, gawas pa nga masiguro ang kaluwasan sa bicycle riding public sa dakbayan.
