CEBU – Plano karon sa lokal nga panggamhanan sa Sugbo nga ibalik ang Local Price Coordinating Council aron makapahamtang og limitasyon ang dakbayan sa presyo sa mga batakang panginahanglanon sama sa karne, manok, ug utanon.
Kini aron atbangan ang posibleng pagsaka sa presyo tungod sa taas nga panginahanglan sa mga bahin sa Luzon, nga nahiagom sa African Swine Flu (ASF) outbreak nga nakaapekto sa ilang kaugalingong suplay.
Nakig-alayon na ang City Agriculture Department (CAD) ug Markets Operations Division (MOD) alang sa pagtagbo pag-usab sa konseho.
Kini human nabantayan sa buhatan sa Department of Veterinary Medicine and Fisheries (DVMF) ang gamay nga pagsaka sa presyo sa baboy sa syudad.
Kini, gumikan na usab nga mga lokal nga mga hog raisers maoy nagsuplay og karne sa Luzon.
Base sa datus sa Philippine Statistics Authority (PSA), gilauman nga mga Enero, Pebrero, ug Marso, mosaka ang presyo sa baboy.
