CEBU CITY – Dili ti-aw ang minilyon nga shabu nga nasakmit dinhi sa dakbayan sa Sugbo.
Kini ang pamahayag ni Cebu City Vice Mayor Michael Rama kalabot na sa P20-M nga kantidad sa shabu nga nasakmit sa mga sakop sa Drug Enforcement Unit sa pagsulod sa Bag-ong Tuig.
Gituohan ni Rama nga kuwang pa ang ‘effort’ sa kapulisan sa kampanya batok iligal nga drogas.
Matud pa nga mag-agi kini sa pantalan, terminal o posibli usab sa airport hayan giingong mao kini ang angayan nga tutokan sa kapulisan.
Sigon sa bise mayor nga gikinahanglan nga i-identify sa kapulisan ang source sa mga shabu nga makasulod dinhi sa dakbayan sa Sugbo.
Gikwestyon ni Rama kung asa man nga bahin nga dili seryoso si Presidente Rodrigo Duterte kung hisgotan ang pakigbatok sa iligal nga drogas diin hangtod karun, mahuman na lang ang termino niini, wala sa gihapon masulbad ang maong problema.
Gikabalak-an sa opisyal nga sa umaabot mahimo na unya nga “shabu republic” ang dakbayan sa Sugbo kung dili magmalampuson ang kampanya batok ginadiling drogas.
